Døgg Nónsgjógv verður livandi og live í Leitisstein fríggjadagin

Mikudagin 27. august gav Døgg Nónsgjógv út heildarútgávuna "Livandi" við 11 sangum, sum varpa ljós á vaksnamannakærleika í øllum sínum avbrigdi - tað góða, tað keðiliga, tað harða og tað besta.

Útgávan er serlig á tann hátt, at hon er ein tulking av kærleikssøguni hjá foreldrunum.

"Eg havi altíð verið hugtikin av, hvussu kærleiki kann síggjast bæði sum ein styrki og ein avbjóðing. Foreldur míni hava givið mær eina søgu, sum er bæði stórsligin og nærverandi, og tí ynskti eg at geva mær sjálvari ta avbjóðing at tulka kærleikan," sigur Døgg Nónsgjógv um "Livandi". 

HOYR EISINI: Beinleiðis úr Studio 5 - Døgg Nónsgjógv

Tætt samstarv við Høgna Lisberg

Útgávan er skrivað í felag við Høgna Lisberg og er innspæld í studio við Gøtugjógv, har Høgni, Jan Rúni Poulsen og Johan Hentze hava spælt ljóðførini.

Høgni hevur eisini framleitt, ljóðblandað og masterað útgávuna.

Fíggjadagin klokkan 13 er Døgg Nónsgjógv gestur í sendingini LEITISSTEIN, ið verður send beinleiðis úr Studio 4 í Sortudíki í Havn. 

LEITISSTEIN Solo

Hvat: LEITISSTEIN
Hvar: Í útvarpinum og á KVF Ljóð
Nær: Fríggjadag kl. 13, og tá tað passar tær á KVF Ljóð

Gestur fríggjadagin: Døgg Nónsgjógv / "Livandi"