- Tíðindi, mentan og ítróttur
Reiðarí mótmæla avgerðini um býti á Flemish Cap
<div>Reiðaríini, sum eiga verksmiðjutrolararnar Gadus, Vesturvón og Enniberg mótmæla nú avgerðini hjá landsstýrismanninum tá hann herfyri býtti føroysku toskakvotuna á Flemish Cap í ár</div><div><br></div><div>Í skrivi stílað til løgmann, landsstýrið og løgtingið mótmæla reiðaríini, at kvotan nú verður latin øðrum skipabólki enn tí, sum eigur søguligu rættindini til fiskiskapin.</div><div><br></div><div>Reiðaríini eru firtin inn á, at tey í miðlunum skulu lesa at krovan er latin øðrum uttan at tey hava fingið nakra grundgeving frá landsstýrismanninum um hví henda avgerð er tikin.</div><div><br></div><div><b>Søgulig rættindir</b></div><div>Verksmiðjutrolararnir meta seg hava søguligu rættindini til føroyska fiskiskapin eftir toski á Flemish Cap.</div><div><br></div><div>Reiðaríini heita tí á myndugleikarnar um at støðga hesum broytingum, sum eru ávegis í sambandi við fiskiskapin á Flemish Cap, soleiðis at hetta ikki skapar ótryggleika og óvissur í framtíðar planleggingini fyri føroyska fiskivinnu.</div><div><br></div><div>Brævið er undirskrivað av stjórunum Hanus Hansen í pf. JFK Trol, Anfinn Olsen í pf. Vesturvón og Mortan Johannessen í pf. Enniberg.</div><div><br></div>
