- Tíðindi, mentan og ítróttur
Herurin hevur valdið í Egyptalandi
<p>Trýstið á egyptiska forsetan, Muhammed Mursi, veksur støðugt.</p><div><br></div><div>Í gjár gav herurin forsetanum freist til í morgun at finna eina loysn til tess at sameina landið, og at boða frá loysnini í sjónvarpi.</div><div><br></div><div>Mursi sigur, at hann sýtir fyri at gera eftir kravboðunum frá herinum, men í veruleikanum eru dagar hansara sum landsins leiðari taldir, sigur danski journalisturin, Eva Plesner, sum býr í Kairo, við danska kringvarpið.</div><div><br></div><div>- Kvettið móti Mursi er í veruleikanum longu framt. Herurin hevur víst, hvør hevur valdið, sigur Eva Plesner.</div><div><br></div><div><b>Valdur í fjør</b></div><div><br></div><div>Muhhamed Mursi kom til valdið í Egyptalandi fyri einum ári síðani, tá forsetaval var í landinum. Men stjórnin er farin at syndrast. Seinastu dagarnar hava seks ráðharrar lagt frá sær.</div><div><br></div><div>Stórar mótmælisgongur hava verið í Egyptalandi, og harðir samanbrestir hava verið millum mótmælisfólk og løgregluna. Fleiri hava latið lív og fleiri hundrað eru særd í samanbrestunum. </div>
