Vilja hava kunngerð um drekkivatn

Tað kundi verið sloppið undan trupulleikanum, at fólk noyðast at kóka vatnið, um kunngerðin um drekkivatn varð sett í gildi.

Tað sigur Laila Jacobsen, deildarleiðari á matvørudeildini á Heilsufrøðiligu starvsstovuni.

Kunngerðin heimilar at løggilda vatnverkini, og í hesi tilgongd skal vatnveitarin - tað er kommunan - lýsa viðurskiftini í sambandi við vatnveitingina.

Hóast kunngerðin um drekkivatn verður sett í gildi, kunnu óhapp henda, sum gera, at tað verður neyðugt  hjá borgarum at kóka drekkivatnið. Sum er brúkar Heilsufrøðiliga starvsstovan brúkar matvørulógina, tá kommunur hava skitið vatn.

Borgarin skal kunnast

Sambært lógini skulu kommunurnar beinan vegin kunna borgararnar, um vatnið er skitið. Men Heilsufrøðiliga starvsstovanhevur onga heimild  at áleggja kommununi at gera ábøtur á vatnskipanina. Skitið vatn ávirkar bæði borgaran og vinnulívið. 

Arbeiðið at gera kunngerðina til byrjaði í 2005. Hon hevur verið til hoyringar, og hoyringarfundir hava verið. Síðani í fjør heyst hevur hon verið klár at seta í gildi.

Johan Dahl, landsstýrismaður í vinnumálum, sigur í stuttari viðmerking, at kunngerðin er á veg.