Løgreglan kannar eldsbruna

Serfrøðingar hjá løgregluni fara í dag at kanna, hví eldur kom í ein verkstaðarbygning við Marknagilsvegin í Havn í gjárkvøldið.

Eldurin varð fráboðaður stutt fyri klokkan sjey í gjárkvøldið. Eldurin breiddi seg skjótt, og fáar minuttir seinni var eldur í øllum bygningnum.

Ymiskt virksemi hevur verið í bygninginum, og seinastu tíðina hevur ein bilverkstaður hildið til har.

Eldurin varð sløktur um 10 tíðina, men tá varð alt brunnið innan úr bygninginum.

Vakthavandi á politistøðini í Havn sigur, at onkrar ábendingar eru um, hvar eldurin kann verða kyknaður, men hann er ikki ásettur.  Seinnapartin fara serfrøðingar at kanna eldsbrunan.