Kjak um samkynd skulu sleppa at giftast

Andstøðutinglimirnir Bjørt Samuelsen, Rigmor Dam og Poul Michelsen halda, at tíðin nú er komin at lata samkynd sleppa at giftast.

Tí fyrireika tey eitt lógaruppskot at leggja fyri løgtingið í heyst, sum heimilar hjúnarlagi millum fólk av sama kyni. Talan verður tó ikki um kirkjuliga vígslu men einans um borgarliga.

Tað verður evnið í Kjakinum eftir Dag og Viku í kvøld, har Bjørt Samuelsen, løgtingskvinna, og Jenis av Rana, løgtingsmaður, verða gestir hjá Boga Godtfred.