Kommunurnar minni í skatti

Kommunurnar fingu seks milliónir krónur minni í skatti til 1.oktober enn í fjør. Tað vísa nýggjastu tølini hjá Taks.

Klaksvíkar kommuna, Fuglafjarðar kommuna, Tvøroyrar kommuna og Vága kommuna hava fingið meira í sínar kassar í ár.

Kommunurnar við Skálafjørðin og Tórshavnar kommuna hava fingið minni til 1.oktober. Tórshavnar kommuna lækkaði skattaprosentið í ár.

Verður skattainntøkan hjá Tórshavnar kommunu í ár umroknað til skattaprosentið í fjør, so fær høvuðsstaðarkommunan 0,93 prosent minni higartil enn í fjør, upplýsir Taks.

Annars hevur Tórshavnar kommuna fingið 3,3 prosent, 15,3 mió. kr., minni enn í fjør, nú skattaprosentið er 20,25.