Magnus Jákupsson sett nýtt danskt met

Tað eydnaðist fyri løtu síðan Magnusi Jákupssyni, sum svimur fyri Danmark, at seta nýtt dansk met í 50 m rygg í EM kappingini, sum verður hildin í Herning.

Magnus Jákupsson kom á mál við tíðini 24.06 og sostatt tók Magnus gamla metið frá 2009.

Tíðin rakk tó ikki til eitt finalupláss.

Magnus Jákupsson endaði á einum samlaðum 13. plássi út av 54 luttakarum.

Magnus skal aftur í eldin í morgin í 100 m rygg. Eisini Pál Joensen skal royna seg í morgin í 1500 m frí.