Pál fekk silvur

Tað eydnaðist fyri løtu síðan Páli Joensen at svimja seg til eitt silvurheiðursmerki á Evropameistarastevnuni á stuttgeil í Herning. 

Pál legði varliga út, men á 500 metrum setti hann ferð á og legði seg á odda.

Vábingurin fekk harða kapping frá einum ukraina, sum eisini megnaði at taka fremsta plássið frá Páli.

Pál lat tó ongantíð heiðursmerkjaplássið fara sær úr hondum, og setti alt í teir síðstu 200 metrarnar og kom á mál sum nummar 2 við tíðini 14.35.99, sum eisini er nýtt persónligt met hjá vábinginum.