Frágreiðing um SL komin

Fríggjakvøldið fingu Johan Dahl og Vinnumálaráðið frágreiðingina frá grannskoðaranum hjá Strandfaraskipum Landsins um fíggjarligu støðuna hjá stovninum tann 30. november.

Landsstýrismaðurin og embætisfólkini hava síðan viðgjørt frágreiðingina.

Útvarpið hevur roynt at fingið innlit í frágreiðingina, men tað er ikki givið.

Jóhan Dahl sigur, at hann fer seinni í dag at greiða nærri frá frágreiðingini.

Frágreiðingin er um játtanina til Strandferðsluna.

Málið byrjar í oktober í fjør, tá tað var greitt, at ein sparing mátti gerast á Strandferðsluni upp á 5,78 milliónir krónur, um játtanin skal halda.

Sparingar vórðu ikki settar í verk, millum annað tí politisk undirtøka var ikki fyri átøkunum.

Avleiðingin er, at Strandferðslan fær eitt stórt hall aftur í 2013.