Hanus Hansen gevst í Grønlandi

Hanus Hansen gevst í Grønlandi
- Vit hava mist nógvan pening í Grønlandi, og fíggjarliga eru vit undir trýsti í Føroyum, sigur Hanus Hansen
 
07.01.2014 - 08:03

Hanus Hansen hevur lagt frá sær sum nevndarformaður í grønlendsku feløgunum Arctic Prime Productions og Arctic Prime Coastal.

Tað skrivar Sermitsiaq.

Eftir sjey ár í Grønlandi eru partabrøvini seld íslendskari familjufyritøku, har Gudmundur Kristjansson í Reykjavík er nevndarformaður.

Sermitsiaq skrivar, at hvørgin parturin vil upplýsa sølukostnaðin, men Hanus Hansen staðfestir kortini, at upphæddin samsvarar við tað, sum føroyingar hava sett í feløgini.

Mist nógvan pening

- Vit hava mist nógvar pengar í Grønlandi, og fíggjarliga eru vit undir trýsti í Føroyum. Tí tóku vit av tilboðnum úr Íslandi, sigur hann við blaðið.

Arctic Prime Production rekur trý virki, tey eru í Qaqortoq, Nanortalik og Kuummiut, meðan dótturfeløgini hava tveir stórar trolarar og reka fleiri minni fiskifør.

 

 

Hallið í 2012 var 13,7 milliónir krónur. Tilsamans høvdu feløgini ein negativan eginkapital upp á 17,5 milliónir krónur.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442
Sunnudag 15. november
Eitt dýpi av dýrari tíð 2:2
216214