Ferðsluvanlukka á Argjum kravt eitt mannalív

Ein 17 ára gomul genta lat í nátt lív í ferðsluvanlukku á Argjum. Tríggir mans eru innlagdir á Landssjúkrahúsið eftir ferðsluvanlukkuna

Ein 17 ára gomul genta lat í nátt lív í ferðsluvanlukku og tríggir mans vórðu fluttir á Landssjúkrahúsið, tá ein bilur fór oman av vegnum við Sandágøtu á Argjum (frámerkt á kortinum)

Mynd: Google Maps/KvF

Bjarni Mohr

11.01.2014 - 07:03

Klokkan 3:16 í nátt fekk alarmsentralurin fráboðan um eina ferðsluvanlukku á Støðlagøtu á Argjum. Ein bilur við fýra ungum fólkum koyrdi eftir Traðargøta oman móti Støðlagøtu.

Bilurin fór oman av vegnum við Sandágøtu (frámerkt á kortinum) og endaði niðri á Støðlagøtu. Ein 17 ára gomul genta, sum var í bilinum, doyði á staðnum.

SÍ EISINI Ferðsluvanlukkan: Avhoyringar í dag

Tríggir ungir mans eru fluttir á Landssjúkrahúsið til kanningar. Teir tríggir hava helst ikki fingið álvarsligan skaða, verður upplýst á politistøðini í Havn.

Politiið kannar nú orsøkina til ferðsluvanlukkuna á Argjum í nátt. Tey avvarðandi eru kunnað um ferðsluvanlukkuna.