Pedagogarnir og arbeiðsgevararnir eru samdir

<p><strong style="line-height: 1.6em;">Stutt um sáttmálan</strong></p>

<p>Høvuðsbroytingarnar er:</p>

<p>1. oktober 2013 hækka mánaðarlønirnar við 190 krónum og 0,9 prosentum.</p>

<p>1. oktober 2014 hækka mánaðarlønirnar við 1,9 prosentum</p>

<p>1. oktober 2013 verða gjøldini fyri ólagaliga arbeiðstíð roknað sum fastir prosentpartar av tímalønini á 11. lønarstigi: kvøld 18 prosent, nátt 22 prosent, leygardag 25 prosent.</p>

<p>Avtala er eisini gjørd um fráboðan um arbeiðssteðg. Fráboðanin skal vera skrivlig og latin mótpartinum í seinasta lagi 48 tímar undan arbeiðssteðginum. Fráboðanarskyldan umfatar eisini samhugaverkfall.</p>

<p><strong>Forkvinnan ikki nøgd</strong></p>

<p>Loysnin, sum ongin tó var serliga fegin um, var einføld: Arbeiðsgevararnir sleptu kravinum um at broyta álitisfólkaskipanina, og so datt mótkravið hjá Pedagogfelagnum um ásetingina um sálarligt arbeiðsumhvørvi eisini burtur.</p>

<p>Tá teir tríggir sáttmálapartarnir høvdu skrivað undir í kvøld, vóru teir samdir um, at langi dysturin var endaður við javnleiki.</p>

<p>Maud Wang Hansen, forkvinna í Pedagogfelagnum, sigur í stuttari viðmerking, at hvørgin parturin er nøgdur við sáttmálan.</p>

<p>- Vit vildu ynskt, at politiska skipanin vildi veruligar broytingar á økinum, og tað vildi hon, men tað skuldi ikki kosta eina krónu.</p>

<p><strong>Drúgvar samráðingar</strong></p>

<p>Samráðingarnar um nýggjar sáttmálar og tænastumannaavtaluna hava vart í hálvan fimta mánaða.Fyrsti samráðingarfundurin hjá Føroya Pedagogfelag við lønardeildina í Fíggjarmálaráðnum og KAF var 28. august.</p>

<p>Sáttmálarnir fóru úr gildi 1. oktober. 4. desember varð Semingsstovnurin boðsendur, men um kvøldið 19. desember góvu semingsmenninir skarvin yvir.</p>

<p>Síðani hevur onki samband verið millum partarnar, fyrr enn Pedagogfelagið bað um fundin, sum var í dag, og sum altso endaði við semju.</p>