Alivinnan skal rinda bæði eykaskatt og tøkugjald

<p>Í staðin fyri at gjalda sjey prosent í loyvisgjaldi, sum skipanin er&nbsp;nú, skal&nbsp;alivinnan rinda bæði loyvisskatt&nbsp;og tøkugjald.</p>

<p>Tað mælir ein arbeiðsbólkur til, sum júst hevur latið Jørgeni Niclasen, landsstýrismanni í fíggjarmálum, og Johan Dahl, landsstýrismanni í vinnumálum álit.</p>

<p>Mælt verður til, at loyvisskatturin verður ein eyka felagsskattur upp á 4,5 prosent, og tøkugjaldið skal vera eitt hálvt prosent av marknaðarvirðinum, tá alifiskur verður tikin.</p>

<p><strong>39 mió. kr.&nbsp;</strong></p>

<p>Sambært arbeiðsbólkinum fer nýggja&nbsp;gjaldið at geva landskassanum umleið 39 milliónir kr. Av hesum stava 10 milliónir kr. frá tøkugjaldinum og 29 milliónir frá eykaskattinum.</p>

<p>Men bólkurin væntar, at loyvisgjaldið í longdini verður nakað lægri. Arbeiðsbólkurin er samdur um tilmælið, men nevndin í Havbúnaðarfelagnum tekur undir við tilmælinum.</p>

<p>Tað treytað av at einkarrætturin hjá Apotekinum at selja heilivág til alvinnuna, verður tikin av, so føroyska alivinnan verður sett javnt við alivinnuna í grannalondunum.&nbsp;</p>

<p><strong>Tveir bólkar</strong></p>

<p>Landsstýrið setti á vári í fjør ein arbeiðsbólk at koma við tilmæli um eykaskatt á fiski- og alivinnu. Seinni skipaði arbeiðsbólkurin seg í tveir bólkar: ein fyri fiskivinnu og ein fyri alivinnu.&nbsp;</p>

<p>Og tað er bólkurin, sum hevur viðgjørt skattaviðurskiftini hjá alivinnunu, sum nú hevur latið álit.</p>

<p>Í arbeiðsbólkinum sótu&nbsp;Hans Kári Vang, fulltrúi í Fíggjarmálaráðnum, Atli S. Leo, ráðgevi í Fíggjarmálaráðnum, Pól E. Egholm, fulltrúi í Vinnumálaráðnum, og Atli Gregersen, nevndarlimur í Havbúnaðarfelagnum. Harumframt hevur Stefan í Skorini, ráðgevi fyri Havbúnaðarfelagið, verið við í arbeiðnum.&nbsp;</p>

<p><a href="http://kvf.fo/sites/default/files/alit_-_alivinna.pdf" target="_blank">Her er álitið frá arbeiðsbólkinum</a></p>