- Tíðindi, mentan og ítróttur
Varðhaldsfongslingar longdar
Varðhaldsfongslingar longdar
Enn eina ferð eru varðhaldsfongslingarnar í tveimum málum, har sum knívur var á lofti, longdar, í báðum førum uttan rættarfund.
17.02.2014 - 08:04
Ákæruvaldið og verjin samdust í farnu viku um, at 68 ára gamli maðurin, sum er skuldsettur fyri við harðskapi at hava elvt til, at ein 61 ára gamal maður doyði í Marknalíð í Havn 20.november í fjør, skal vera ein mánað afturat í varðhaldinum.
Og ungi maðurin, sum er skuldsettur fyri at hava stungið fýra fólk í Norðdepli hálvan juli í fjør, fekk tvær vikur afturat.
Ákæruvaldið ætlar tó at hava mannin, sum er skuldsettur fyri drápsroynd, í varðhaldinum líka til mánaðaskiftið apríl-mai, tá hann ætlandi skal fyri eitt nevningating í Føroya rætti.
Verjin hjá unga manninum hevur kravt, at maðurin nú sleppur úr varðhaldinum.
Er kopiera
Nýggjastu sendingar í ÚV
Nýggjastu sendingar í SV
