Royna at dálka Hillary Clinton við Lewinsky

Stríðið undan forsetavalunum í USA er tiltikið skitið. Og longu nú byrjar politikarar at blaka við runu. Vápnið er sonevnda "Lewinsky-gølan." 

Í eini samrøðu í farnu viku segði Rand Paul, at demokratarnir eiga at taka frástøðu frá Bill Clinton grundað á Lewinsky-gøluna. Og hann legði aftrat:

- Eg haldi, at amerikanarar eiga at hugsa seg um tvær ferðir, áðrenn teir velja geva rúm fyri Bill Clinton í Hvítu húsunum eina ferð enn, segði hann, og vísti til møguligu ætlanirnar hjá konuni, Hillary Clinton, at stilla upp til forestavalið.

Mitt Romney vísir aftur

Republikanska forsetavalið á seinasta vali, Mitt Romney, heldur tað vera burturvið at tengja Bill Clinton og Lewinski-málið saman við Hillary Clinton.

- Eg haldi ikki, at Bill Clinton er so áhugaverdur í hesum. Veljarin fer ivaleyst at taka atlit til avrikini hjá Hillary Clinton, um hon velur at stilla upp. Og tað skal veljarin eisini gera. Her er tað ikki mann hennara, tað snýr seg um, sigur Mitt Romney.