- Tíðindi, mentan og ítróttur
Putin: Valdsskiftið í Ukraina var ólógligt
Putin: Valdsskiftið í Ukraina var ólógligt
- Talan var um eitt hernaðarkvett, sum var í stríð við grundlógina, sigur russiski forsetin, Vladimir Putin.
![](https://kvf.fo/sites/default/files/styles/grein-ovasta-mynd/public/vladimir_putin.jpg?itok=MOEH_FrG)
Valdsskiftið í Ukraina var ólógligt, segði russiski forsetin, Vladimir Putin, á tíðindafundi fyri løtu síðani.
04.03.2014 - 13:59
Fyrrapartin týsdagin hevði russiski forsetin boðað til tíðindafundar um viðurskiftini í Ukraina. Ongi útlendsk tíðindafólk fingu atgongd til tíðindafundin.
- Fólkið í Ukraina vildi hava broytingar, men vit kunnu ikki stuðla ólógligum broytingur, sigur Vladimir Putin.
Nýnasistar
Russiski forsetin heldur uppá, at nýnasistar og gýðingahatarar herja í Ukraina og serliga í Kiev, og hann sigur ræðslu vera komna á fólkið har eysturi í Ukraina.
- Vit taka okkum rætt at nýta allar neyðugar hættir at verja tey, biðja tey okkum um tað. Og tað verður ikki við mýkindum, sigur Vladimir Putin. Hann leggur dent á, at ukrainska tjóðartingið er lógligt, men tað eru landsins leiðarar ikki.
Kelda: Reuters/Sky News/Aftenposten
Nýggjastu sendingar í ÚV
Nýggjastu sendingar í SV