Nýtt leiklistaráð tilnevnt

04.06.2014 - 11:54
MentanLeiklist
Nýtt leiklistaráð tilnevnt
Øll umboðini eru nú vald, leiklistaráðið er mannað av nýggjum. Ávís útskifting hevur verið, trý av sjey eru afturvald
Leiklistaráðið, sum er stýrið fyri Tjóðpall Føroya, er nú mannað av nýggjum
Mynd: tjodpallur.fo  
 

Leiklistaráðið er stýrið fyri Tjóðpall Føroya. Og ein av fremstu uppgávunum, sum eru fyri framman, er at seta nýggjan stjóra fyri Tjóðpall Føroya.

Eisini tekur ráðið sær av yvirskipaðu viðuskiftunum í sambandi við yrkisleiklist og leiklist sum heild. Eitt nú tilmælunum til stuðulin til yrkisleiklist.

Sjey fólk eru í ráðnum. Sambært løgtingslógini fyri Tjóðpall Føroya, skal landsstýrismaðurin í mentamálum seta ráðið.

Tveir av limunum skal landsstýrismaðurin tilnevna eftir egnari avgerð. Annar skal vera formaður og hin fíggjar- og roknskaparkønur.

Soleiðis er ráðið mannað nú

Ráðið sær nú soleiðis út, og skal sita 3 ára tíðarskeiðið frá 1.mai 2014 til 30.apríl 2017 (tó skal starvsfólkaumboðið veljast annaðhvørt ár):

Elsa Johanna Høgenni, formaður, tilnevnd av landsstýrismanninum

Dánjal Joensen, tilnevndur av landsstýrismanninum

Ingibjørg Berg, eftir tilmæli frá Tórshavnar Býráð

Hilmar Joensen, eftir tilmæli frá MáF, Meginfelag áhugaleikara Føroya

Marita Dalsgaard, eftir tilmæli frá LISA, Listafólkasambandi Føroya

Annfinnur Heinesen, eftir tilmæli frá Leikarafelag Føroya

Katrin Bonde, starvsfólkaumboð fyri Tjóðpall Føroya

Stjórin fyri Tjóðpall Føroya er skrivari á øllum fundum, sum leiklistaráðið hevur.

Tey, sum vóru afturvald, eru Elsa Johanna Høgenni (nú formaður), Hilmar Joensen, og Katrin Bonde.

Tað er Jenny C, Petersen, ið er virkandi stjóri á Tjóðpalli Føroya, og hevur hon verið stjóri síðan Tjóðpallurin varð settur á stovn í 2004, stjórin situr fyri fimm ár í senn.

Er kopiera
Nýggjastu sendingar í ÚV
Fríggjadag 3. desember
Íbúðabygging og pensjónsaldur
132259
Fríggjadag 3. desember
Góðan morgun Føroyar 03.12.2021
132250
Fríggjadag 3. desember
Morgunlestur fríggjadagur 3.desember 2021
132118
Hósdag 2. desember
RagnarRokk 2.desember 2021
131860
Hósdag 2. desember
NiviNaja 3. partur
33596
Nýggjastu sendingar í SV
Fríggjadag 3. desember
Lyst 46
132263
Hósdag 2. desember
Eysturoyartunnilin 1:3
132233
Mánadag 29. november
Dokumentarurin: Kongoránið
131988
Mánadag 29. november
3-2
131987