Motorur á Sundi legði landið lamið

Eitt brek í einum av stóru motorunum á verkinum á Sundi var orsøkin til, at alt landið, - uttan Suðuroy og útoyggjarnar, mistu streymin í góðan hálvan tíma fyrrapartin.

Tað var um 11 tíðina, at trygdarskipanin á Sundi steðgaði einum motori.

Finn Jacobsen, tekniskur leiðari hjá SEV, sigur, at motorarnir á Sundi eru gamlir, men í góðum standi. 

- Nú verður leitað eftir brekinum, sum fekk trygdarskipanina at sløkkja fyri einum motori, men vit sleppa ikki undan at black-out verður aftur, tí vit eru eitt avbyrgt økið. Høvdu vit havt ein sjókaðal til útlond, høvdu vit sloppið undan hesum, sigur Finn Jacobsen, tekniskur leiðari á SEV