Asfaltering: Landsverk bjóðar út og bjóðar

Tað ber ikki til, at almennir stovnar bjóða upp á arbeiði, sum teir sjálvir bjóða út, og síðani geva sær sjálvum arbeiðið. 

Tað heldur Vinnuhúsið, sum ger vart við málið á sínari heimasíðu.

Vinnuhúsið nevnir Landsverk, sum fyri nøkrum árum fekk boð úr landsstýrinum um at bjóða út asfalteringina. 

Tað ger Landsverk so, men Landsverk bjóðar sjálvt upp á asfaltering, sum Landsverk bjóðar út, vísir Vinnuhúsið á.

Hesum eigur politiski myndugleikin at stegða, siga tey í Vinnuhúsinum.