Diagnosur kunnu gera fólk sjúkari

Summi fólk vita, at tey hava høgt blóðtrýst ella byrjandi sukursjúku. Onnur vita tað ikki. Tey fyrru kenna seg ofta sjúkari enn hini.

Hetta staðfesta granskarar á lærda háskúlanum í Noregi, NTNU. Pål Jørgensen er lækni og vísindaligur oddmaður í granskingini.

- Úrslitið hjá okkum er týdningarmikið at hava í huga, tá ið vit tosa um ovurviðgerð og sonevnda screening, sigur hann við norska kringvarpið.