Klaksvík í ringum skørum

Klaksvíkar kommuna heitir enn eina ferð á fólkið í býnum um at vera við í herferðini hjá kommununi móti skøruni.

Í tveir mánaðir hevur fólk hjá kommununi sprænt eitur á skøruna, tí kommunan hevur sett sær fyri at týna hesa plantuna. 

Men trupulleikin er nógv størri enn hildið varð av fyrstan tíð.  

Skøran er allastaðni. Hon er inni í býnum, á privatum og almennum stykkjum, og harafturat á veg niðan í fjøllini. Hon er komin heilt norður til grótbrotið á Strond, skrivar kommunan á heimasíðu sínari.

Tí vil kommunan hava fólk at skriva undir eina váttan, sum gevur kommununi loyvi at "gera átak á ogn míni til tess at burturbeina skøruna."

Samstundis binda fólk seg við undirskriftini til ikki krevja endurgjald frá kommununi, um annar vøkstur fær skaða av átakinum móti skøruni.