Spurt um einskildan landbúnað

Nær verður almenna jørðin í Føroyum einskild, og hvussu verður tað gjørt?

Fyrsti spurningurin frá løgtinginum til landsstýrið í tingsetuni, sum byrjaði fyrradagin, er longu komin.

Bjørt Samuelsen í Tjóðveldi spyr Jacob Vestergaard, landsstýrismann, um ætlanina at privatisera landsjørðina.

Landsstýrismaðurin hevur sett ein arbeiðsbólk at kanna møguleikan at einskilja landsjørðina. 

Bjørt Samuelsen vil hava meira at vita um hendan arbeiðsbólkin.

Og hon vil eisini hava at vita, hvussu Jacob Vestergaard sær fyri sær, at avbjóðingarnar hjá landbúnaðinum verða loystar við at privatisera jørðina.