Sjey milliónir afturat til serviðgerð uttanlands

Játtanin til serviðgerð uttanlands í ár heldur ikki, og í dag hevur Jørgen Niclasen, landsstýrismaður, lagt uppskot fyri tingið um sjey milliónir kr. í eykajáttan.

Heilsumálaráðið sigur, at miðalkostnaðurin fyri serviðgerðina í fjør vísti seg at vera munandi størri enn væntað, og í ár hava verið fleiri sjúklingaferðir enn roknað varð við.

At serliga nógvar rokningar fyri í fjør - 30 milliónir kr. av tilsamans 103 milliónum - komu frá Region Hovedstaden eftir ársenda, tí roknskapurin varð umlagdur, hevur gjørt tað enn truplari enn vanligt at meta um støðuna, sigur Heilsumálaráðið. 

Uppskotið um eykajáttan til serviðgerð uttanlands kemur til fyrstu viðgerð í tinginum fríggjadagin.