Søkja eftir presti til Sandoynna

Søkt verður nú eftir sóknarpresti til Sandoyar prestagjald.

Í prestagjaldinum eru seks kirkjusóknir, í Skopun, á Sandi, í Skálavík, í Húsavík, í Dali og í Skúvoy. Umleið 1.250 fólk búgva í prestagjaldinum. 

Prestagarðurin er í Todnesi á Sandi, og sóknarpresturin hevur skyldu at búgva í  prestagarðinum.

Í lýsingini verður sagt, at væntað verður, at presturin verður fólksliga viðkomandi og sjónligur í landslagnum. Umsøkjarar skulu hava lokið prógv í gudfrøði og lúka krøvini, ið lóggávan annars setir fyri at gerast prestur í fólkakirkjuni í Føroyum.

Freistin at søkja er 4. september klokkan 15, og ætlanin er at seta starvið 1. desember. 

Jákup Reinert Hansen hevur verið sóknarprestur á Sandi síðani 1982, men í heyst fer hann í starv sum lektari á Fróðskaparsetrinum.