Myllurnar síggjast eisini væl í hagtølunum

Vindmyllurnar hjá SEV síggjast ikki bara í landslagnum. Tær síggjast eisini í innflutningstølunum.

Størsti vøkstur í innflutninginum fyrra hálvárið var í bólkinum "maskinur og amboð". Og stóran part av tí vøkstrinum eiga vindmyllurnar, upplýsir Hagstovan.

Maskinur og amboð fyri 156 mió. kr. meira enn í fjør vórðu innflutt til 1.juli í ár. Vøksturin er 73 prosent. 

Nógv bygging

Nógva byggiarbeiðið ger eisini mun í hagtølunum. Innflutningurin av byggitilfari er 13 prosent størri. 

Men nú verða ikki so nógvir bilar innfluttir longur, vøksturin í tí innflutninginum er minkaður.

Innflutningurin fyrra hálvárið í ár er 86 milliónir, trý prosent, størri enn í fjør. Tá eru skip og flogfør tald við.  

Uttan skip og flogfør er innflutningurin hálva milliard minni í ár.