Fleiri barnaverndarmál sammett við 2012

Barnaverndarmál eru ymisk, og kunnu snúgva seg um einfalda ráðgeving, men eisini um børn, sum verða sett heiman móti viljanum hjá foreldunum, sokallað umsorganaryvirtøka uttan samtykki.

Tí ber illa til at samanbera støðuna í ymsu barnaverndartænastunum, tí talið eitt einstakt ár í sjálvum sær sigur ikki so nógv um støðuna, stendur at lesa í ársfrágreiðingini fyri 2013.

Tak niður frágreiðingina her: Hagtalsfrágreiðingin fyri 2013 hjá Barnaverndarstovu Føroya (letur upp í nýggjum kaga)

Sum frálíður fara hagtølini at vísa, um talið á barnaverndarmálum broytist, og um fyrsiskipanirnar, sum barnaverndartænasturnar seta í verk, tæna endamálinum, verður sagt.

Sama familja kann verða skrásett fleiri ferðir

Hagtalsskrásetingin er skipað soleiðis, at hvørt barnið sær er skrásett sum eitt mál. Tað merkir, at sama familja kann vera skrásett sum fleiri barnaverndarmál í skipanini, um stuðul verður veittur fleiri børnum í somu familju.

Undanfarin ár hevur verið galdandi, at børn kundu halda fram í skipanini, eftir at tey vóru fylt 18 ár, um serligar umstøður talaðu fyri tí. Tó kundu tey í mesta lagi halda fram í barnaverndartænastuni til 21 ára føðingardagin.

Aldursmarkið varð í 2012 hækkað til 23 ár. Henda broyting sæst aftur í frágreiðingini fyri 2013 og hevur við sær, at fyrivarni skal takast, um samanborið verður við frágreiðingar fyri undanfarin ár.