- Tíðindi, mentan og ítróttur
Kostar 3.000 kr. at sleppa á grundstykkjalistan
Kostar 3.000 kr. at sleppa á grundstykkjalistan
Runavíkar kommuna krevur depositum, men peningurin verður goldin aftur, um umsøkjari tekur seg av listanum
11.09.2014 - 09:33
Tey, sum ætla at byggja sethús í Runavíkar kommunu, skulu nú gjalda 3.000 kr fyri at sleppa á grundstykkjalistan.
Tað skrivar heimasíðan hjá kommununi.
Í sambandi við, at Runavíkar kommuna miðar eftir at hava ein so veruligan bíðilista til grundøki sum gjørligt, hevur býráðið samtykt at broyta reglugerðina fyri grundstykkjalistan hjá kommununi.
Umsøkjarar skulu nú gjalda 3.000 kr í depositum fyri at koma á bíðilistan. Upphæddin verður síðani drigin frá prísinum, tá umsøkjarin fær boðið grundstykki.
Vil umsøkjarin taka seg av listanum, fær hann samstundis pengarnar aftur.
Grundstykki eru tøk í øllum bygdum í Runavíkar kommunu.
Er kopiera
Nýggjastu sendingar í ÚV
Nýggjastu sendingar í SV
