Løgreglan kannar stuldur á MíttLand

<p>Tað váttar Ove Randrup, løgreglukommiserur á deildini fyri stuldur hjá løgregluni í Keypmannahavn. Fyri einum mánaði síðani boðaðu fyriskipararnir av MíttLand frá, at ein størri peningaupphædd, fleiri 100.000 krónur søgdu teir, varð stolin eftir tónleikatiltakið.</p>

<p>Fyrireikararnir&nbsp;søgdu seg eisini vita, hvør tað var, sum hevði stolið peningin. Tá høvdu teir ikki meldað málið. Fyri tveimum vikum síðani upplýsti løgreglan í Keypmannahavn, at stuldurin var meldaður.</p>

<p><strong>SÍ EISINI <a href="http://kvf.fo/greinar/2014/09/14/stolid-fra-mitt-land-0">Stolið frá MíttLand</a></strong></p>

<p>Tá var eingin avhoyrdur, men tað verður farið undir at avhoyra fólk nú, upplýsir Ove Randrup, løgreglukommiserur á deildini fyri stuldur hjá løgregluni í Keypmannahavn. Løgreglan í Keypmannahavn hevur ikki fleiri viðmerkingar til málið í løtuni.</p>