Pávin vil viðurkenna samkynd

14.10.2014 - 13:32
Aktuelt
Pávin vil viðurkenna samkynd
Leiðslan í Vatikaninum hevur orðað eitt skriv, sum heitir á katólsku kirkjuna um at viðurkenna samkynd, New York Times
Frans pávi
Mynd: Savnsmynd  
 


Tað er hálvtannað ár síðani, at Frans pávi tók við embætinum. Síðani hevur hann virkað fyri fleiri broytingum á fleiri økjum, sum hava elvt til kjak. 

Eitt nú hevur hann ikki somu avgjørdu støðu til sølibat, altso tað at liva kynsliga fráhaldandi, sum undanfarnir pávar. 

Nú er tað so spurningurin um samkynd, sum verður viðgjørdur í Vatikaninum. Umframt at heita katólsku kirkjuna, um at endurskoða hugburðin mótvegis samkyndum, heita leiðararnir í skrivinum á Vatikanið, um at hyggja nærri at ógiftum og fráskildum pørum, soleiðis at teirra viðurskifti eisini verða viðurkend.

Verður áheitanin frá leiðarunum tikin til eftirtektar í Vatikaninum, er kortini ikki talan um nakra uppgerð við katólsku læruna. 

Tað hevði verið at roknað sum ein súmbolsk ger, sum tó hevði staðfest, at tað eisini eru jalig viðurskifti við skrásettum parløgum og tað at liva saman ógift.

Hetta verður mett sum ein stór broyting - og ein sigur hjá Frans páva. Síðani hann tók við embætinum sum pávi, hevur hann fleiri ferðir givið til kennar, at hann heldur, at líkarættur og javnstøða millum øll menniskju, er grundleggjandi í kristnu trúnni.

Í Vatikaninum hevur tað annars verið almennur politikkur, at bæði samkynd og ógift pør liva í synd. 

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750