Ågot riggar til fiskiskap

Garnaskipið Ågot, sum síðani seinast í februar er umvælt á Tórshavnar Skipasmiðju, kom á Klaksvík í gjárkvøldið, og í dag fer manningin at rigga skipið til fiskiskap, skrivar Norðlýsið.
Tað var 25. februar, at Ågot fekk stóran skaða, tá uppsjóvarskipið Slættaberg rendi inn í síðuna á Ågot, meðan Ågot lá við bryggju í Klaksvík. 
Síðani er skipið umvælt hjá MEST í Havn. Upprunaliga var ætlanin, at Ågot skuldi fara aftur til fiskiskap seinast í august, men tað er nakað seinkað.
Ågot fer aftur at royna eftir svartkalva við gørnum.