Føroyingar vunnu fimm heiðursmerkir í DM

Fyrstu finalurnar vóru í gjárkvøldið í donsku meistarastevnuni á stuttgeil. 

Úrtøkan hjá føroyingum var góð. Trý gull- og tvey bronsuheiðursmerki komu í hús. 

Magnus Jákupsson vann gull í bæði 100 metur blandaðari svimjing og í 100 m. ryggsvimjing. Hann vann eisini bronsu í 50 m. frí.

Pál Joensen vann gull í 400 m. frísvimjing. Frans Johannesen vann bronsu í somu kapping.

Kappingin heldur fram í dag, og hon er liðug sunnudagin.