Skattaprosentið á Sandi verður 23 prosent

Skattaprosentið í Sands kommunu næsta ár verður 23 prosent, og barnafrádrátturin 6.000 krónur. 

Fíggjarætlanin verður munandi størri enn undanfarin ár, nú eldraøkið verður lagt til kommunurnar. Raksturin verður góðar 16 milliónir kr., og tvær milliónir eru settar av til íløgur.

Næsta ár fer Sands kommuna at gjalda eina góða millión krónur niður av langtíðarskuldini. Kommunan hevur onga leysaskuld. 

Tá 2015 fer at halla, hevur kommunan goldið niður 10 milliónir kr. av langtíðarskuld, umframt hálva sættu millión í sambandi við skúlabygging og skúlarakstur seinastu seks árini.