Mótmæla í Pakistan

Mótmælisgongur hava verið í Pakistan í dag móti seinastu útgávuni av blaðnum Charlie Hebdo. Tað skrivar Ritzau. Tað er forsíðan, ið hevur loypt øði í, tí har er ein keipumynd av einum manni, ið kann vera Muhammed profetur Í fleiri býum er franska flaggið brent, og eisini eru myndir av franska forsetanum, François Hollande, og fleiri av teknarunum á blaðnum, brendar. 

Sagt verður at umleið 6000 fólk hava mótmælt í Lahore og 2000 mótmælisfólk hava verið í Karachi.

Í býnum Multan, sum liggur umleið 560 kilometer sunnan fyri Islamabad, róptu mótmælisfólkini, vit eru ikki Charlie, vit eru Kouachi, og sipaðu til teir báðar Kouachi brøðurnar, ið framdu atsóknina móti Charlie Hebdo, siga Ritzau og AFP.