Ikki ein króna úr Danmark til avlurting í Føroyum

Ikki ein króna úr Danmark til avlurting í Føroyum
Telefyritøkurnar í Føroyum noyðast sjálvar at gjalda útgerðina til avlurting er niðurstøðan á fundi í Keypmannahavn
Mette Frederiksen, løgmálaráðharri, gjørdi greitt á fundi við Johan Dahl, landsstýrismann, í gjár, at Danmark fer ikki at gjalda avlurtingarútgerð í Føroyum.
 
23.01.2015 - 13:41

Ikki ein króna kemur úr Danmark til avlurtingarútgerð í Føroyum.

Telelóggávan er á føroyskum hondum, og tí verða Føroyar sjálvar at gjalda allar útreiðslur í sambandi við, at løgtingið hevur álagt telefyritøkunum í Føroyum at geva løgregluni størri heimild til avlurting.

Hetta er niðurstøðan eftir ein fund í Keypmannahavn í gjár millum Johan Dahl, landsstýrismann í vinnumálum, og Mette Frederiksen, løgmálaráðharra.

Útgerð til løgregluna

Løgtingið samtykti á vári í fjør broytingar í føroysku telelóggávuni, sum áleggja føroysku telefyritøkunum at rinda kostnaðin av at seta upp avlurtingarútgerð til løgregluni at brúka. 

Í tí sambandi heitti løgtingið á landsstýrismannin í vinnumálum um at tosa við donsku stjórnina, so føroysku telefyritøkurnar kunnu fáa útreiðslurnar endurgoldnar úr Danmark.

Men tað verður ikki.

Í fyrsta lagi er telelóggávan føroyskt málsøki, og tí hava danskir myndugleikar ikki fíggjarliga ábyrgd av málsøkinum. 

Í øðrum lagi er skipanin í Danmark og í ES hon, at telesamskiftisveitarar sambært lóg rinda kostnaðin av at seta upp avlurtingarútgerð til løgregluna at brúka.

 

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592