Kristina Háfoss spyr um Keypsportalin

Kristina Háfoss spyr um Keypsportalin
Kristina Háfoss spyr Jørgen Niclasen, um tað er samsvarandi almenna setanarpolitikkinum, tá Gjaldstovan bjóðar út eitt starv á keypsportalinum
Kristina Háfoss spyr um Keypsportalin
Mynd: savnsmynd  
 
13.02.2015 - 09:56

Er Keypsportalurin farin at grava undan lønarrættindum, sum fakfeløgini hava vunnið, og samráðingunum á arbeiðsmarknaðinum? Hendan spurning hevur Jørgen Niclasen, landsstýrismaður, fingið frá Kristinu Háfoss, løgtingskvinnu, nú fyri fyrstu ferð verður lýst eftir fólki á almenna Keypsportalinum.

Gjaldstovan hevur boðið út eitt verkætlanarstarv á Keypsportalinum. Kristina Háfoss spyr Jørgen Niclasen, um tað er samsvarandi almenna setanarpolitikkinum, tá Gjaldstovan bjóðar út eitt starv á keypsportalinum, har tímataksturin telur 50 prosent í vektingini, og førleikar, útbúgving og royndir telja hina helvtina.

Samanumtikið verður eitt alment starv boðið út, og tann, sum kann bjóða seg fram at gera arbeiðið fyri lægstu lønina, umframt at hava rættar førleikar, útbúgving og royndir, fær starvið, sigur Kristina Háfoss. Hon spyr eisini landsstýrismannin, um ætlanin nú er, at almennir stovnar í framtíðini skulu kunna nýta Keypsportalin at bjóða út almenn størv.

Gjaldstovan skal brúka fólk at gera eina strategi um, hvussu tænastur hjá tí almenna skulu talgildast. Arbeiðið skal, sambært útboðnum á Keypsportalinum, gerast í hesum árinum.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470