Brellbiti: Her er seinasta Spískamarið

Punktum verður nú sett fyri sjónvarpssrøðini, Spískamarið, nú átjandi og seinasti partur verður vístur. Sí brot úr seinastu sendingini her

Hóskvøldið verður punktum sett fyri Spískamarinum, tá átjanda og seinasta sendingin fer á skíggjan

Mynd: Skíggjamynd/Spískamarið á Facebook

Bjarni Mohr

15.04.2015 - 08:38

Átjan oyggjar, átjan sendingar - ein frá hvørjari oyggj. Tað var ætlanin hjá teimum, ið hava staðið fyri at framleiða sjónvarpssendingina, Spískamarið.

Sí brellbitan niðanfyri

Málið hjá kokkinum, Gutta Winther, og framleiðsluliðnum er um at vera rokkið, og í annaðkvøld verður vitjað átjandu og seinastu oynna í røðini - í Fugloy.

Framleiðsluliðið við glaða kokkinum á skíggjanum hevur nú vitjað í øllum oyggjunum. Punktum verður sett fyri røðini hóskvøldið, tá seinasta sendingin fer á skíggjan.

Video: Brellbiti: Spískamarið í Fugloy

Spískamarið í Fugloy
Í átjandu og seinastu Spískamarssendingini eru vit í Fugloy. Hesa ferð fer Spískamarið á fjall við Gullaksenfamiljuni í Hattarvík ein frálíkan heystdag. Vit læra at gera blóðpylsu saman við bóndakonuni, fara eftir skoraveðri og matgera hvítanýra. At enda verður øll familjan og fjallfólkið samlað til eina rimmar máltíð, her eitt feskt krov verður drúgstokt upp á ein rættiliga ótraditiónellan máta. Tað skal upplivast.
Posted by Spískamarið on 14. apríl 2015

Seinasta Spískamarið er á skránni í sjónvarpinum hóskvøldið klokkan 19:25.