Málið móti kommunulækna vaksið í vavi

Kanningararbeiðið hjá politinum er nú liðugt og avhoyringarnar av kommunulæknanum og kvinnunum verða sendar danska heilsustýrinum í næsta mánað til metingar.

Heilsustýrið skal tó ikki meta um, hvørt læknin er sekur, men skal taka støðu til, um undirlívskanningarnar eru gjørdar á rættan hátt, ella um talan ER um kynsligan ágang.

Læknin er í løtuni suspenderaður úr sínum starvi. Hann vísir skuldsetingunum um kynsligan ágang aftur.  

Drúgv kanningartíð

Tað var í julimánað í fjør, at løgreglan avhoyrdi ein kommunulækna í Føroyum og skuldsetti hann fyri at hava framt kynsligan ágang móti fimm kvinnum, sum hava verið til læknaviðtalu hjá honum. 

Men síðani hava fleiri kvinnur meldað sama kommunulækna til løgregluna, og nú eru talan um tilsamans 13 kvinnur.

Tí hevur málið tikið drúgva tið at kanna og fyrireika, sigur Hildur Hentze, dagligur leiðari á Krim. deildini