Eivør fingið norska virðisløn

Eivør Pálsdóttir hevði konsert í Arendal mikukvøldið, og eftir konsertina fekk hon virðislønina, sum er 10.000 norskar krónur og eitt heiðursskjal.

Grunnurin letur annað hvørt ár einum rithøvundi virðisløn og annað hvørt ár onkrum, sum hevur tikið eitt tak fyri samstarvið millum Noreg, Føroyar og Ísland.

Í dómsnevndini eru millum annað Jan Kløvstad og Durita Brattaberg. Aðrir føroyingar hava fingið virðislønina. Í 1962 fekk Páll Patursson hana, Christian Matras fekk hana í 1971.

Sólvá og Páll Patursson fingu virðislønina í 1991, Carl Jóhan Jensen í 1997, Erna og Njál Djurhuus í 2003 og Jógvan Hugo Gardar í 2007.