Lukasz Cieslewicz bíðar eftir føroyskum passi

Hann vendi aftur til føroyskan fótbólt í 2011, og síðani tá hevur hann umboðað B36. Hann hevur vunnið tvey føroyameistaraheiti við felagnum, og nú er greitt at hann verður at síggja í hvíta búnanum til endan av kappingárinum í 2017.

Hetta skrivar heimasíðan hjá felagnum, b36.fo. Har stendur eisini at lesa at Lukasz dámar sera væl í føroyum, ja so væl at hann og beiggin Adrian Cielsewicz hava latið umsókn inn um føroyskt pass. Teir hava ikki fingið svar uppá umsóknina enn. Ein slík umsókn kann taka heilt upp til tvey ár at viðgera. 

Men um Lukasz og beiggin, Adrian, fáa føroyskt pass, so er møguleikin eitt pláss á A-landsliðnum til staðar. 

les meira á www.b36.fo