Nýggj forkvinna veljast í dag

Danski javnaðarflokkurin fer í dag at velja nýggjan formann ella forkvinnu. 

Alt bendir á, at tað verður Mette Frederiksen, sum avloysir Helle Thorning-Schmidt, ið legði frá sær eftir ósigurin á fólkatingsvalinum hóskvøldið. 

Einsamøll í uppskoti

Mette Frederisken er í løtuni einsamøll í uppskoti  til formanssessin. 

Onnur evni hava verið nevnd, eitt nú Nicolai Wammen, sum hevur verið ráðharri í stjørnini hjá Thorning. Men hann er ikki longur í uppskoti. 

Roknað verður tí fyri vist, at Mette Frederiksen seinni í dag verður nýggj forkvinna í danska javnaðarflokkinum.