Svimjing: Bronsu í 4 x 100 metur frí

Tað bleiv til eina bronsu og eitt nýtt landsliðsmet í 4 x 100 metur frí hjá kvinnum.

Signhild Joensen, Sára Nysted, Astrið Foldarskarð og Vár Eidesgaard svumu tíðina 3.54.02.

Tíðin er nýtt landsliðsmet. Gamla landsliðsmetið varð sett á oyggjaleikunum á Rhodos í 2007. Tann tíðin var 3.59.54.

Nummar eitt bleiv Jersey við tíðini 3.52.88. 

Isle of Man bleiv nummar tvey við tíðini 3.57.29

Hetta var síðsta finalan í kvøld. Føroyar vunnu í kvøld eina gull og fýra bronsur í svimjing.