Meira í løn

Fyri einari viku síðani komu tøl, sum boðaðu frá meira skatti til bæði land og kommunur.

Og í gjár komu tøl, sum siga, hvør orsøkin er, rætt og slætt fleiri lønir at taka skatt av.

Hagstovan upplýsir, at til 1.juli fingu føroyingar og onnur, sum arbeiða í Føroyum, tríggjar milliardir og 854 mió. kr. í løn, 250 milliónir og sjey prosent meira enn í fjør.

Kvinnurnar eiga góð 38 prosent av lønunum og menninir smá 62 prosent, sambært tølunum hjá Hagstovuni.