Sjey flokkar stilla upp

bannari
Sjey flokkar stilla upp
Ongin nýggjur flokkur bjóðar seg fram til løgtingsvalið hesaferð
 
31.07.2015 - 15:19

Freistin at boða frá nýggjum flokki til løgtingsvalið var úti í gjárkvøldið klokkan 18. 

Hilmar Høgenni, deildarstjóri í Almannamálaráðnum, sigur, at ongin fráboðan er komin um nakran nýggjan flokk til løgtingsvalið.

Reglurnar í løgtingsvallógini siga, at í seinasta lagi klokkan 18, dagin eftir at valið er útskrivað, kann verða boðað frá nýggjum flokki.

Men tað kann vera trupult at stovna nýggjan flokk eftir einari nátt, tí kravið er, at í minsta lagi 800 undirskriftir fylgja við fráboðanini um nýggja flokkin.

Hetta eru dagfestar og undirskrivaðar váttanir frá øllum 800 veljarunum, sum fráboða flokkin. 

Hesar váttanirnar skulu vera undirskrivaðar av avvarðandi kommunum, sum skulu vátta, at viðkomandi er á vallista. Veljarin skal vera lýstur við navni, føðingardegi, bústaði, dagfesting og undirskrift.

Løgtingsval verður týsdagin 1. september.

Seinasta freist at lata valevnislistar inn er tvær vikur fyri vali, týsdagin 18.august kl.18.00.

Teir sjey flokkarnir, sum eru í løgtinginum nú, fara at stilla upp. 

 

Er kopiera
Nýggjastu sendingar í ÚV
Mikudag 18. november
Skipsboð
216603
Mikudag 18. november
Heilsuhornið
216597
Týsdag 17. november
Vitan
216375
Týsdag 17. november
Vitan
216297
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470