Japan mintist kjarnorkubumbuna í 1945

Fleiri túsund fólk mintust í gjár, at 70 ár eru liðin, síðani eitt amerikanskt flogfar tveitti eina kjarnorkubumbu yvir japanska býin Nagasaki, 9. august í 1945.

Klokkurnar ringdu á minningarhaldinum, og borgarstjórin í Nagasaki, Tomihisa Tagami, minti í røðu síni stjórnina á lyftini, sum vórðu givin fyri 70 árum síðani.

SÍ EISINI 70 ár síðani: Soleiðis sær Hiroshima út í dag

- Vandi er fyri, at grundreglan um frið, sum er skrivað í grundlógina, verður útholað, segði Tomihisa Tagami í røðuni til stjórnina.

Shinzo Abe, forsætisráðharri, hevur, síðani hann tók við, roynt at broytt grundlógina, sum forðar Japan at fara í kríggj, men í gjár segði hann, at øll eiga at arbeiða fyri, at eingin atombumba verður í heiminum.

- Vit skulu samtarva við lond, sum hava kjarnorkuvápn, og tey, sum ikki hava slík vápn, so vit fáa ein heim, ið ikki hevur kjarnorkuvápn yvirhøvur, segði Shinzo Abe.

Greinin heldur fram niðanfyri

AP PHOTOS: A Nagasaki cathedral and its scarred Virgin Mary, 70 years after the atomic bomb: http://t.co/mZ8cVuW5yc

— The Associated Press (@AP) August 9, 2015

Sameindu londini hjá Japan hava funnist at japansku grundlógini, tí hon forðar eisini fyri, at Japan er partur av friðarvarðveitandi tiltøkum ymsa staðni í heiminum.

Japan nýtir í løtuni 265 milliardir krónur í okkara peningi til verjuendamál. Hetta er triðja árið, at verjuútreiðslurnar hækka, og tær hava ongantíð verið so stórar sum nú.

Meirilutin av fólkinum er ímóti, at skal Japan skal dubba seg við hermegi. Tríggjar dagar áðrenn kjarnorkubumban varð slept í Nagasaki, varð Hiroshima lagdur í oyði, tá ein bumba rakti býin.