Gerandisdagurin má ikki gloymast

Tíggjutals tíðindafólk úr nógvum ymiskum londum eru komin til Grønlands.

Felags fyri tey flestu er, at tey hava áhuga í tí, sum amerikanski forsetin sigur um at fáa ræði á Grønlandi - og so ríkisrættarligu støðuni millum Grønland og Danmark.

- Men valið snýr seg um so nógv annað enn tað. Tað snýr seg millum annað um, at tað er blivið munandi dýrari at búgva og liva í Grønlandi, eins og tað er so nógva aðrastaðni um okkara leiðir.

Tað sigur Arnaq Nielsen, journalistur á Sermitsiaq, sum fylgir valstríðnum. 

Í samrøðuni lýsir hon valstríðið, kvinnuligu umboðanina og gongutúrarnar við politisku forfólkunum.