Veljarakanningar ósamdar um valúrslitið

bannari
Veljarakanningar ósamdar um valúrslitið
Nýggjastu veljarakanningarnar geva eitt rættiliga ymiskt boð upp á, hvussu løgtingið verður mannað næstu fýra árini
Tær báðar nýggjastu veljarakanningarnar eru ósamdar um, hvør flokkur fær flestu tingfólkini á valinum í morgin. Ein kanning peikar á Fólkaflokkin meðan ein onnur peikar á Javnaðarflokkin
 
31.08.2015 - 15:58

Ein nýggj veljarakanning, sum Fynd hevur gjørt fyri Kringvarpið og Miðlahúsið, gevur Fólkaflokkinum flest sessir í Løgtinginum eftir løgtingsvalið.

Fólkaflokkurin fær sjey sessir, meðan Javnaðarflokkurin og Sambandsflokkurin fáa seks í part, og Tjóðveldi fimm í kanningini, Fynd hevur gjørt.

Javnaðarflokkurin størstur í kanning hjá Portalinum

Men nú seinnapartin hevur Portalurin almannakunngjørt eina veljarakanning hjá Gallup, sum gevur Javnaðarflokkinum stóran meiriluta.

Javnaðarflokkurin fær eftir hesi kanningini átta tinglimir. Fólkaflokkurin, Sambandsflokkurin og Tjóðveldi fáa seks í part.

Býtið til smáu flokkarnar er rættiliga ymiskt í hesum báðum kanningunum. Sambært kanningini hjá Fynd fær Framsókn fýra tinglimir, Miðflokkurin tríggjar og Nýtt Sjálvstýri tveir.

SÍ EISINI Fólkaflokkurin størstur í nýggjari veljarakanning

Í kanningini hjá Portalinum fær Framsókn framvegis fýra tinglimir, men hendan kanningin er ikki so gávumild við Miðflokkin og Nýtt Sjálvstýri. Hon gevur Miðflokkinum tveir tinglimir og Nýggjum Sjálvstýri ein tinglim.

Kanningin hjá Fynd varð gjørd í gjár, meðan tann hjá Gallup var gjørd frá týsdegnum og fram móti vikuskiftinum.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470