Hann hevur allar orsøkir at smílast

Aksel V. Johannesen, formaður í Javnaðarflokkinum, hevur allar orsøkir at smílast, hóast tað størsta valstaðið í landinum ikki er upptalt enn.

Nú, 57 av teimum 58 valstøðunum eru upptald, er greitt, at formaðurin í Javnaðarflokkinum hevur fingið 1501 persónliga atkvøðu.

Longu 300 fleiri enn í 2011

Umframt tær 1501 atkvøðurnar, koma eisini tær persónligu atkvøðurnar til Aksel V. Johannesen ið hann fær frá veljarum í Havn.

Á løgtingsvalinum í 2011 fekk Aksel V. Johannesen tilsamans 1204 persónligar atkvøður. Longu nú er greitt, at hann hevur fingið 300 fleiri enn á valinum fyri fýra árum síðani.

Løgmaður, Kaj Leo Johannesen, er hann, ið higartil hevur fingið flestar persónligar atkvøður á einum løgtingsvali. Hann fekk 1979 atkvøður á løgtingsvalinum í 2011.

Dagført 00:30: Aksel V. Johannesen hevur tilsamans fingið 2405 persónligar atkvøður.