Thorning í uppskoti at verða hákommisserur

Lars Løkke Rasmussen, forsætisráðharri, váttar nú, at danska stjórnin hevur skotið upp, at Helle Thorning-Schmidt, forsætisráðharri, skal verða flóttafólkahákommisserur í ST.

- Eg havi víst á Helle Thorning-Schmidt sum eitt sterkt umboð til leiðarastarvið í UNCHR, sigur Lars Løkke Rasmussen, sum í løtuni hevur tíðindafund á Christiansborg saman við Helle Thorning-Schmidt.

Starvið verður sett í heyst, og nýggi hákommisserurin tekur væntandi við starvinum 1. januar.

Formliga setur ST-aðalfundurin starvið eftir tilmæli frá ST-aðalskrivaranum.

Helle Thorning-Schmidt tapti fólkatingsvalið í summar, og longu valkvøldið legði hon frá sær sum forsætisráðharri og forkvinna í danska Javnaðarflokkinum.

Danmark hevur eina ferð fyrr hava leiðsluna í UNCHR.

Poul Hartling, fyrrverandi forsætisráðharri og formaður í Vinstra, var flóttafólkahákommisserur eitt skifti í sjeytiárunum.