Eftirmeta úrslitið av valinum á landsnevndarfundi

Landsnevndin hjá Sambandsflokkinum kemur saman til fundar fríggjakvøldið at eftirmeta úrslitið av løgtingsvalinum. 

Í løtuni er ikki greitt, um kallað verður saman til eykalandsfund nú at velja formann, ella formansvalið skal bíða til regluliga landsfundin, sum vanliga er í mars mánaði.

Sambandsflokkurin misti tveir tingsessir á løgtingsvalinum 1. september. Kaj Leo Holm Johannesen hevur boðað frá, at hann leggur frá sær sum floksformaður.

Bárður Nielsen er næstformaður í Sambandsflokkinum. Hann varð valdur landsfundinum í vár fyri Johan Dahl, sum ikki stillaði uppaftur.